احسب احسابك

احسب احسابك اذا كلت الوداع


الكلمه من تجرح كلب ماتنمسح


وانه اكص ايدي اذا عني تروح
حته لو رديت مامدهه بصلح

ومااصيرن شجره لو منشار اجيت
اشما تروح وترجع اتريد انذبح

الباب لتفتحه الرياح امن الجنوب
ينطبك لو شملت ماينفتح

والكاع لوطكهه العطش تقبل تموت
حته لو زخ المطر تلبس ملح

ولاتكلي الشوك بذره امن السماح
بذرة المسمومه تكطعهه الفلح

ولاتكلي الفركه موت العاشكين
الموت اصح امن الحياة الماتصح

والليل لو ودع كمر شايب يصير
بس اذاشيب صدك يطلع صبح

تسلمين على القصيده الروعه

عاشت ايدك انشاء الله دوم الابداع

ننتضر جديدك القادم بشوق

تقبلي مروري المتواضع

ودمتي بورد