الرئيسيةس .و .جبحـثالتسجيلقائمة الاعضاءالمجموعاتدخول

شاطر | 
 

 قصيدة ((معاناة لاهل السادس)) اهديها لكل واحد بالسادس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محشش صغير 1995
بعدة جديد
بعدة جديد


عدد الرسائل : 23
العمر : 21
تاريخ التسجيل : 30/07/2010

مُساهمةموضوع: قصيدة ((معاناة لاهل السادس)) اهديها لكل واحد بالسادس    الجمعة يوليو 30, 2010 10:30 pm

قال احد الشعراء:
ألا ليت العطلة تعود يوما" فأخبرها بما فعل السادس

قال شاعر شعبي:
ايدي ضلت سنتين تصيح من اسئلة البكلوريه وطولهه
ومااحجيلك على التصليح اخ من وزارة التربيه وحلولهه

وتحت شعار((يالسادس...ليش انته هيج وياي ليش انته هيجي,,,جيف اني هيج وياك صرت انته هيجي))

قصيدتي بعنوان / معاناة الي بالسادس
الي بالسادس
مثل واحد سنة كامله على الجمر يمشي حافي
مثل واحد كاتله البرد ويدور على مكان دافي
مثل عراقي يريد يشرب من البوري مّي صافي
مثل خضير هادي لمن يريد
يصير اشهر من معروف الرصافي

الي بالسادس
مثل مدافع وصارت على فريقه هجمه مرتدة
مثل واحد نايم على الكاشي وفوكاهه بله مخدة
مثل كاوليه كوة كوة يريدون يلبسوهه جبة
مثل حال تيمون لمن يفارك صديق عمرة بومبة

الي بالسادس
مثل عادل امام ويريدوه يقره حسينيات
مثل موبايل n95 بس مابيه لاشحن ولا سيم كارت
مثل سعد خليفه ويريد ينافس توم كروز
مثل جلسي لمن يلعب ويه مانشستر...بالحلم يله يفوز

والي بالسادس اذا بالنهاية ماجاب معدل
كلهه تصير فهيمه وبراسه تكعد تتمندل
كلهه تتفيك وتكول
شيرّادلهه...هيّ حجايه حجايتين
قابل مكتوب بالهندي...كلهه آية وحديثين
جيب وجيب تمام...ومحوله بيهه ملفين
انطونيو وشايلوك...وخلية تنقسم مرتين
هذا الكان هذا الكين...وهذا متعدي يريد مفعولين

ميكولون هذا بالسادس
شلون على راسه وكعت بلــّيه
وميسكتون كلساع واحد يسمعنه صوته
لوماخذ حجينه وقاريلك شويّه
وميقتنعون بأعذاره للي بالسادس
وهاي الاعذار هيـّه

ألكاهه من الايون المشترك...لو من العضويّه
لو من الانسجه...لو من الصفات الوراثيّه
لو من قطع الانكليزي...لو من معانيّه
لو من التطبيقات على النهايات...لو من الدوال المثلثيّه
لو من الحث المتبادل...لو من الدوائر الرنينيّه
لو من النفي واساليب الطلب...لو من مباحث الاسلاميّه
فوك كل هالمصايب تريدوني اطلع طبيّه
لواروح هندسه مدني...لاخوب افتح صيدليّه

ايــــــــــه...هي هاي اعذار الي بالسادس
بس منو يسمعهه كلهه على راسه تلعب جوبيّه
والمكرود شيسوي...يحجي ويه نفسه ويكول
علكيفكم ياناس ليش هيج تسوون بيّه
وطبك وياكم الزمن
ليش كلكم اتفقتوا عليّه
شمسويلكم...شمرتوني عالسادس وبلاويّه
حته بالجذب ما كلتوا كلمة خطيه

مافكرتوا يجوز من وراكم ما راح ادخل الكليّه
يجوز انتحر...يجوز تسوون بيّه حاله نفسيّه
يجوز انشل...يجوز تموتوني بسكته قلبيّه

ايــــــــــــه...هي هاي معاناة الي بالسادس
اخذهه مني واتأكد ميه بالميّه
اذا سمعتهه مني فأتكد ميه بالميّه


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد كفاح
هسة نشيط
هسة نشيط


عدد الرسائل : 57
العمر : 26
الموقع : بالموثل هع
تاريخ التسجيل : 20/08/2011

مُساهمةموضوع: رد: قصيدة ((معاناة لاهل السادس)) اهديها لكل واحد بالسادس    السبت أغسطس 20, 2011 10:46 pm

يسلمووووووو عالطرح الاكثر من رائع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة ((معاناة لاهل السادس)) اهديها لكل واحد بالسادس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات التحشيش العراقي :: القسم المنوّع :: منتدى النكت-
انتقل الى: